ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ក្រសួងយុត្តិធម៌អនុវត្តតាមសារចររបស់រាជរដ្ឋាភិបាល ដោយធ្វើតេស្តរហ័សលើមន្រ្តីរបស់ខ្លួន៤៩៤នាក់ រកឃើញវិជ្ជមានកូវីដ-១៩ចំនួន៣រូប

  • ចុះផ្សាយថ្ងៃទី១២ ខែសីហា ឆ្នាំ២០២១ ម៉ោង ០៩:៤៩ នាទី ដោយ Lundy
  • 549
  Aa |   aA

ភ្នំពេញ: នៅថ្ងៃពុធ ទី១១ ខែសីហា ឆ្នាំ២០២១ ក្រសួងយុត្តិធម៌បានធ្វើតេស្តរហ័សលើមន្រ្តីរបស់ខ្លួន៤៩៤នាក់ ហើយលទ្ធផលនៅក្នុងអ្នកដែលបានធ្វើតេស្ដរហ័សទាំងអស់ មានមន្ត្រីចំនួន៣រូបត្រូវបានរកឃើញថាមានវិជ្ជមានកូវីដ-១៩។ 

ការធ្វើតេស្តរហ័សរកមេរោគកូវីដ-១៩ នាពេលនេះបានជួយឲ្យមន្ត្រីទាំង៣រូប បានដឹងថាខ្លួនមានវិជ្ជមានកូវីដ-១៩ ដើម្បីទទួលបានការព្យាបាល និងដើម្បីជួយដល់ការទប់ស្កាត់ការឆ្លងរាលដាលនៅទីកន្លែងធ្វើការងារ និងក្រុមគ្រួសាររបស់ខ្លួន។

ចំពោះអ្នកដែលរកឃើញមានវិជ្ជមានមេរោគកូវីដ-១៩ ត្រូវបានផ្ដល់ព័ត៌មានដល់មន្ត្រីសុខាភិបាល និងត្រូវបានអនុញ្ញាតឲ្យធ្វើការព្យាបាលនៅតាមផ្ទះរៀងៗខ្លួន ស្របតាម «នីតិវិធីប្រតិបត្តិស្តង់ដារសម្រាប់គ្រប់គ្រង ថែទាំនិងព្យាបាលអ្នកជំងឺកូវីដ-១៩ នៅតាមផ្ទះ»។ ដោយឡែកចំពោះអ្នកមានការពាក់ព័ន្ធដោយផ្ទាល់ជាមួយ នឹងអ្នកដែលមានវិជ្ជមានមេរោគកូវីដ-១៩ ទាំងអស់ ក៏ត្រូវបានឲ្យធ្វើចត្តាឡីស័ក ព្រមទាំងអនុវត្តយ៉ាងខ្ជាប់ខ្ជួននូវវិធានការរបស់ក្រសួងសុខាភិបាល។

ផ្អែកតាមលទ្ធផលខាងលើនេះ ក្រសួងយុត្តិធម៌ បានធ្វើការដាស់តឿន និងក្រើនរំលឹកដល់ថ្នាក់ដឹកនាំ និងមន្ត្រីរាជការទាំងអស់ឱ្យបង្កើនការប្រុងប្រយ័ត្នខ្ពស់ ចំពោះការចម្លង និងការឆ្លងនៃមេរោគកូវីដ-១៩ ដោយត្រូវប្រកាន់ខ្ជាប់នូវវិធានការគន្លឹះ «៣កុំ និង ៣ការពារ» ហើយទន្ទឹមនេះ ក្រសួងយុត្តិធម៌នឹងបន្តអនុវត្តនូវការធ្វើ តេស្ដរហ័សរកមេរោគកូវីដ-១៩ ឱ្យបានទៀងទាត់ជាប្រចាំតាមកម្មវិធីរបស់ខ្លួន ជូនថ្នាក់ដឹកនាំ និងមន្ត្រីរាជការ ទាំងអស់នៃក្រសួងយុត្តិធម៌ ដើម្បីរួមចំណែកជាមួយរាជរដ្ឋាភិបាល ក្នុងការប្រយុទ្ធ និងទប់ស្កាត់នៃការឆ្លង រាលដាលនៃជំងឺកូវីដ-១៩៕


ព័ត៌មានជាច្រើនទៀតសម្រាប់អ្នក